પ્રદૂષિત હવાની સૌથી મોટી આડ અસર ફેફસાં પર થાય છે. સૂક્ષ્મ કણો શ્વસન માર્ગમાં પ્રવેશવાથી અસ્થમા, બ્રોન્કાઇટિસ અને ક્રોનિક શ્વસન સમસ્યાઓ થઈ શકે છે.
વાયુ પ્રદૂષણનું વધતું સ્તર આપણાં શારીરિક અને માનસિક સ્વાસ્થ્ય બંને પર નકારાત્મક અસર કરી શકે છે. આરોગ્ય નિષ્ણાતો કહે છે કે હાલ પ્રદૂષિત વાતાવરણને કારણે માસ્ક પહેરવું અને શરીરને હાઇડ્રેટ રાખવું ખૂબ જ જરૂરી છે. આ ઉપરાંત, આ વાતાવરણ એવા લોકો માટે ગંભીર સમસ્યા બની શકે છે જેમને પહેલાથી જ કોઈ પ્રકારની ક્રોનિક હેલ્થ પ્રોબ્લેમ છે.
પ્રદૂષિત હવાની સૌથી મોટી આડ અસર ફેફસાં પર થાય છે. સૂક્ષ્મ કણો શ્વસન માર્ગમાં પ્રવેશવાથી અસ્થમા, બ્રોન્કાઇટિસ અને ક્રોનિક શ્વસન સમસ્યાઓ થઈ શકે છે. ચાલો જાણીએ વાયુ પ્રદૂષણની ખરાબ અસરથી બચવા અને ફેફસાંને સ્વસ્થ રાખવા માટે કઈ વસ્તુઓનું સેવન કરવું જોઈએ.
ફેફસાં પર વાયુ પ્રદૂષણની અસર
વાયુ પ્રદૂષણ આપણા ફેફસાં પર નકારાત્મક અસર કરી શકે છે. પાર્ટિક્યુલેટ મેટર, ઓઝોન, નાઇટ્રોજન ડાયોક્સાઇડ અને સલ્ફર ડાયોક્સાઇડ જેવા વાયુ પ્રદૂષકો ફેફસાં માટે ખૂબ જ હાનિકારક માનવામાં આવે છે. ડૉક્ટર્સ કહે છે કે, હેલ્ધી ડાયટ ખાવાથી ફેફસાં મજબૂત બને છે અને વાયુ પ્રદૂષણ સાથે સંકળાયેલા જોખમોને પણ સંભવિતપણે ઘટાડી શકે છે.
લીલા પાંદડાવાળા શાકભાજી
લીલા પાંદડાવાળા શાકભાજીનું સેવન ફેફસાંને સ્વસ્થ રાખવા ઉપરાંત તેની કાર્યક્ષમતાને પ્રોત્સાહન આપે છે. શરીર માટે જરૂરી પોષક તત્વો પાંદડાવાળા શાકભાજી દ્વારા સરળતાથી મળી શકે છે. તે વિટામિન C અને E જેવા એન્ટીઑકિસડન્ટથી સમૃદ્ધ છે, જે ફેફસાંને પ્રદૂષકો દ્વારા થતા ઓક્સિડેટીવ નુકસાનથી બચાવવામાં મદદ કરી શકે છે.
એન્ટી-ઈન્ફલેમેન્ટરી વસ્તુઓ ખાઓ
ફેફસાંને સ્વસ્થ રાખવા અને ઈન્ફલેમેશનને કારણે થતી સમસ્યાઓથી બચાવવા માટે એન્ટિ-ઇન્ફ્લેમેટરી અને એન્ટિમાઇક્રોબાયલ ગુણોથી ભરપૂર વસ્તુઓને આહારમાં સામેલ કરો. આપણા બધાના ઘરમાં દરરોજ લસણ અને હળદરનું સેવન કરવામાં આવે છે. લસણ સંક્રમણ અને બળતરાના જોખમને ઘટાડીને ફેફસાના સ્વાસ્થ્યમાં મદદરૂપ છે. હળદરમાં એક્ટિવ કર્ક્યુમિન હોય છે જે બળતરા વિરોધી ગુણધર્મો માટે જાણીતું છે.
મોસમી ફળોનું સેવન કરો
બ્લુબેરી અને સ્ટ્રોબેરી જેવા લાલ અને બ્લુ ફળો એન્થોસાયનિન નામના ફ્લેવોનોઈડ્સથી સમૃદ્ધ હોય છે, જે અસરકારક એન્ટીઑકિસડન્ટ છે. સંશોધન કહે છે કે આ ઉંમર વધવાની સાથે તમારા ફેફસાંની સમસ્યાઓને ઘટાડવામાં અને તેમને સ્વસ્થ રાખવામાં મદદરૂપ છે. સફરજન અને નારંગી જેવા મોસમી ફળોનું સેવન ફેફસાં માટે પણ ફાયદાકારક માનવામાં આવે છે.